انا ربتني الدنيا ( حامد زيد )

أنا ربتني الدنيـا علـى جـزل العطـا والجـود = ونفسي للوفـا والطيـب وفعـل الخيـر جزامـه

وأعارض منهج الهابط وأوافق للصعـود صعـود = وأسيّـر نفسـي بعقلـي مـدام النفـس هدامـه

ولا تثّر بي البسمـة ولا كحـل العيـون السـود = ولا يقوى على قلبي صغيـر الجسـد وأجسامـه

أردّ الجـود بأمثالـه وأقابـل بالجحـود جحـود = وترى لا خير في رجلٍ يوطّـي للـردى هامـه

وعندي مع هل العِليـا مواثيـق وثـلاث عهـود = أوفـي لـه مطاليبـه وأودّه وأرفـع أعـلامـه

أعايش مركب الدنيا علـى متـن القـدر مولـود = أبعرف هو صحيح إنّ القـدر بالنـاس دوّامـه ؟

ومن وين الزمن مقبل وإلى ويـن الليـال تقـود = ومن في هالزمن يقـدر يوجّـه خطـوة أقدامـه

ومن له بالزمن غاية ومن عنـده هـدف منشـود = ومن منّا قـدر يعـرف خفايـا مقبـل أيامـه ؟

عرفت إنّ الشقا باقي ، عرفت إنّ الحسد موجـود = عرفت إنّ القدر يفرض علينـا بأسـوأ أحكامـه

لقينا العـرب حاسـد وشفنـا بالعـرب محسـود = وبه ناسٍ لنا ضامـت ، وبـه بالنـاس منظامـه

وينقص بعضنـا خـوّه وينقصنـا وفـاء وعـود = مـدام الحسـد باقـي وبعـض النـاس نمامـه

ولا ترجى بها الدنيا من ربوعك يجيـك اسنـود = ولا تشره علـى رجـلٍ عيونـه خانـت أقدامـه

وقابل خطوه بخطوه وجازي بالصـدود صـدود = تناسى غلطة الصاحب عليك بلحظـة اخصامـه

ولا تخطي ترى لصبر الحليم اليا سـلاك حـدود = تروّى واعرف بضـرب الحديـد تفكـك لحامـه

تجنب كسرة الخاطر ولو حبـل الزعـل مشـدود = تراك بكسرة الخاطـر حكمـت القلـب بعدامـه

ولا تزعل على رجلٍ بذل لك ولرضـاك جهـود = ولا تامن من الحاسـد رضـاه ورفعـة ابهامـه

نبي نصبر على الدنيـا قلـوبٍ بالحيـاة زهـود = مدام إنّ البخـت عيّـت توّفـق رمعـة سهامـه

وأنا ما قلتها راجي ولا أطلـب بعد مـردود = ولكـن الفتـى ودّه يحقـق جمـلـة أحـلامـه

وبمشي لآخر الدنيـا ولـو كـلّ الأنـام اقعـود = وعن وجه الزمن بكشف حقيقـه وأرفـع الثامـه

صحيح إني صغير السـن ولكـن قدهـا وقـدود = وأنا عندي مـع الدنيـا مواقـف ترفـع الهامـه

طموحي يملـي العالـم ولابـه للطمـوح قيـود = مدام إن الأمل طبعي : عرين وصرت ضرغامه

خلقنا الله من ترابـه ولأحضـان التـراب نعـود = تحت رمل الثرى نبقـى تغطـي جسمنـا خامـه

سلفنا ما لحقناهـم تحـت قـاع التـراب رقـود = ولا يبقي مـن الميـت سـوى ذكـراه وعظامـه

ولو طال العمر فاني وترى عمر الفتـى محـدود = وكـلٍ يطلـب المولـى يبيحـه يحسـن ختامـه

وأنـا بلّغـت بلسانـي وربـي والأنـام شهـود = وصحف البيّنـة جفّـت وعنهـا رفعـت أقلامـه


للشاعر الكويتي : حامد زيد

<<~ مـآآخقت تـرآآ هع ,,

غربه .. فديت خراطيش البك <<~ شوي شوي ,,

نقل رااااائع من عضوه اروع ,,

تسلم ايدك ..

حبيبات قلبي

ربي يسلملي عيونكن وخراطيش الوبكن


الف شكر عالمرور